Cobqha Thawjcoj
Lub homphaj ntawd teg dlejnum "Cobqha Thawjcoj" nuav yog cobqha cov thawjcoj huv pawg ntseeg kuas paub Yexus zoo zuj zug, paab kuas puab muaj lub neej hloov dlua tshab hab cobqha kuas puab qha tau Vaajtswv txujlug rua lwm tug, hab kuas puab txaus sab hlo ua lub neej, txawm yuav txom nyem hab tau zoo los, kuas puab yuav ua lub neej rua Yexus. Peb ntshaw kuas puab yuav kub sab lug ua Vaajtswv dlejnum paab pawg ntseeg hab cobqha lwm tug kuas paub Vaajtswv txujlug zoo. Peb rhawv txujkev kawm ua thawjcoj nuav rua cov ntseeg kws moog kawm Vaajlugkub tsi tau rua huv cov tsev kawm Vaajlugkub nyob huv nroog. Vim puab tsi muaj kev kawm ntawv qeb sab, muaj tsev tuabneeg coob hab muaj laj muaj teb ua, puab txomnyem hab tsi muaj nyaj txag yuav coj tsev tuabeeg txaav chaw moog huv lub nroog luj. Peb lub homphaj yog coj tsev kawm Vaajlugkub moog rua cov ntseeg kws nyob rua huv puab cov pawg ntseeg.
Nyob huv lub website nuav, peb muaj 4 chaav le nuav:
1. Chaav "Nrug Yexus Sis Raug Zoo." Txhua tug ntseeg yuav tau txuas lug rua Vaajtswv txhua nub. Peb muaj ib cov ntawv hu ua "Nyob huv Yexus lub xubndlag" rua cov ntseeg tau kawm Vaajtswv txujlug txhua nub. Yaav tom ntej peb yuav muab ua "video" qha txhua nub rua suavdlawg.
2. Chaav "Cobqha Thwjtim." Yexus saamfwm kuas peb moog cobqha thwjtim. Peb qha hab muab tswvyim ntau yaam paab Yexus cov thwjtim kws taabtom cobqha lwm tug ua Yexus le thwjtim.
3. Chaav "Cobqha Thawjcoj" yog rhawv lug cobqha cov ntseeg ua thawjcoj nyob huv pawg ntseeg. Nuav yog lub tsev kawm Vaajlugkub kws peb ua.
4. Chaav "Tswvyim Paab" yog rhawv lug tswvyim rua paab kws kawm ua thawjcoj . Yuav muaj ntaub ntawv, lwm tug xwbfwb tej lug qha, hab lwm yaam tswvyim.
Yexus lug tuag theej tuabneeg lub txhoj hab coj tuabneeg rov qaab moog nrug Vaajtswv sis raug zoo (2 Kaul. 5:18). Yexus xaiv 12 tug thwjtim lug kawm ua Yexus thwjtim hab saamfwm kuas puab tawm moog kuas thoob qaab ntuj hab coj tuabneeg lug ua Yexus le thwjtim ( Mat. 28:19). Yexus hu Paulus moog qha txujmoo zoo rua lwm tsaav tuabneeg (Kal. 1:15-16). Vaajtswv hu peb lug cobqha Yexus cov thawjcoj moog qha txujmoo zoo
Peb yog ib Lub Chaw Kawm Vaajlugkub rua Moob
Peb siv txuj kaabke TEE lug qha cov thawjcoj, puab yuav kawm ntawd puab tug kheej huv vaaj huv tsev, puab yuav moog ntsib tug xwbfwb qha ib lim tam twg 2 teev, hab puab yuav tau cobqha thwjtim huv pawg ntseeg.
Koj nyob qhov twg los kawm tau
Koj txawm nyob sau roob hab nyob huv taj los koj yeej muaj cuabkaav kawm tau. Peb cov chaav kawm ntawv nyob huv cov pawg ntseeg. Cov xwbfwb qha yog cov xwbfwb nyob huv zog.
Nug koj tug xwbfwb saib puas muaj kev kawm nyob huv koj pawg ntseeg.
Lub neej hloov dlua tshab
Ib limtam twg mej tuaj ntsib tug qha ib zag, mej yuav sis thaam txug Vaajtswv txujlug hab yuav siv Vaajtswv txujlug rua mej lub neej le caag. Mej yuav sis txhawb zug hab thov Vaaj Ntsujplig muab mej lub neej hloov dlua tshab. Tug kawm yuav muaj lub neej hloov dlua tshab.
Muaj ntau chaav kawm
Peb muaj ntau chaav kawm rua koj xaiv. Koj yuav kawm chaav kawm twg ua ntej los tau.
* cov TEE qeb 1 (Yexus Lub Neej)
*Kawm Qhuabqha
*Kawm kev ntseeg
*Kawm xwbfwb teg dlejnum
*Kawm cobqha thwjtim
*Sojntsuam Vaajlugkub Qub & Tshab
** Ntau chaav kamw ntxiv...
Muaj kev txhawb zug
Muaj tug yuav paab qha koj. Yog koj tsi nkaag sab koj sau ntawv rua tug qha, nwg yuav teb koj tej lugnug paab kuas koj nkaag sab txug Vaajtswv txujlug. Peb yuav txhais cov ntsablug ntaw dtej nqai Vaajlugkub kw snyauj ru ankaag sab, hab yuav muab ca rua huv lub website nuav rua mej txhua tug tau nyeem.
Pheejyig heev
Qeb 1: Thaus koj kawm qeb 1 kws yog cov ntawv "Yexus Lub Neej", koj tsuas them phoo ntawv xwb. Lub tebchaws kws koj nyob muaj tug nqe kws koj yuav tau them. Qeb 2. koj yuav tau them kim zog rua qhov koj yuav tau them nqe Internet. Koj yuav tsum muaj xuvtooj ntawd teg kws saib video tau. Koj yuav tsum muaj tej nuav koj txhaj le kawm tau.
Lub Chaw Kawm Vaajlugkub rua Moob nuav yog ib teg dlejnum kws tseemceeb heev rua cov pawg ntseeg. Vim peb Moob nyob sau tej roob, ua laj ua teb, tsi muaj kev kawm txawj txaus, hab tseem txom nyem heev. Cov thawjcoj kws saib pawg ntseeg muaj kev taab kaum hab moog kawm Vaajtswv txujlug tsi tau.
Yog koj moog kawm Vaajlugkub tsi tau rua huv cov tsev kawm Vaajlugkub kws nyob huv nroog, peb yuav coj lub tsev kawm Vaajlugkub tuaj rua huv koj pawg ntseeg. Yog koj muaj npluaj sab xaav kawm tag, peb txaus sab yuav qha koj kuas koj paub Vaajtswv txujlug zoo hab qha txujmoo zoo rua lwm tug.
Ib laaj muag saib--tshaabxu
Phaum 2 nuav, cov tub kawm tub chiv kawm hab tub kawm txug phoo 2 lawm. Peb ntseeg has tas phaum nuav yuav tav rua lub caij ntuj su xyoo 2023.
Ib laam muag saib:
Tshaabxu TEE qeb 1
Vaajtswv ua txujci tseemceeb rua peb lub chaw kawm Vaajlugkub nuav. Lub 5 hli xyoo 2021 nuav, peb muaj 743 leej kawm taag TEE ntu 1 lawm. Lub 4 hli peb cobqha 62 leeg cov kws kawm TEE taag kuas moog qha TEE lwm tug. Kuv pum Vaajtswv muab puab lub sab hloov dlua tshab hab puab txaus sab hlo taug kev moog qha lwm paab nyob lwm lub zog. Muaj ntau tug tub kawm kuj moog tshaaj tawm txuj moo zoo hab coj ntau leej lug ntseeg Yexus.
Tshaabxu cov kawm TEE qeb 2
Yog yuav pum Vaajstwv ua txujci lub sijhawm cov kawm lub neej hloov dlua sab tshab. Peb lub homphaj tsi yog qha kuas puab paub Vaajtswv txujlug xwb, peb qha kuas puab muaj lub neej hloov dlua tshab.
Lub 5 hli xyoo 2021 nuav, peb chiv kawm TEE qeb 2, taamsim nuav peb muaj cov tub kawm le 22 leeg. Puab taabtom kawm Sojntsuam Vaajlugkub Tshab. Vim muaj kaabmob covid-19, peb rhawv cov kev kawm nuav rua huv ONLINE xwb.
Cov kawm cobqha thwjtim
Peb muaj 12 tug thawjcoj sawv lug ua tug saib kev cobqha thwjtim rua cov xeev. Puab yuav xub cobqha thwjtim rua huv pawg ntseeg, thaus puab qha taag lawm puab yuav moog paab lwm pawg ntseeg qha thwjtim rua huv puab lub xeev. Cov kws cobqha thwjtim tub kawm txug le 570 leej lawm. Cov nuav yog cov kawm taag tes puab yuav moog qha lwm tug ua thwjtim.
“Vaajtswv hloov kuv lub neej thaus kuv kawm “Yexus Lub Neej Phoo 3.” Kuv haus yeeb thaus kuv tseem hluas lug lawm. Tabsis thaus kuv kawm Vaajtswv txujlug, Vaajtswv muab kuv hloov dlua tshab. Kuv thum tau yeeb ua lub neej rua Yexus. Kuv txaus sab paab moog qha “Yexus Lub Neej” rua 2 pawg nyob lwm pawg ntseeg. Po
“Kev kawm ua thwjtim tseem ceeb heev li os xibhwb aw! Muaj cov kawm ntau leej los txais yuav Yexus ua lawv tus Tswv. Ib txhia kuj lees txim thiab zoo siab uas lawv tau txais kev dimtxim lawd” T.T.T.