Kawm Ua Thawjcoj

Lub chaw kawm Vaajlugkub Moob

Kev ua thawjcoj rua Vaajtswv pawg ntseeg tseemceeb heev.  Vaajtswv hu ntau leej ntau tug moog ua xwbfwb qha Vaajtswv txujlug, ua xwbfwb qha txujmoo zoo, ua xwbfwb qha, hab qee leej ua cov xwbfwb saib cov ntseeg (Efe. 4:11). Vaajtswv lub homphaj yog kuas cov xwbfwb nuav qha cov ntseeg ua Vaajtswv teg dlejnum. Cov thawjcoj yuav tau kawm Vaajtswv txujlug kuas puab paub txhais lub ntsablug tseeb huv Vaajtswv txujlug hab kuas puab muaj peevxwm qha Vaajtswv txujlug rua lwm tug. Tabsis peb cov thawjcoj muaj mivtub mivnyuas coob leej, muaj laj muaj teb yuav tau ua, hab tseem txomnyem tsi muaj nyaj txag txaus yuav them tej nqe ntawv. Yog puab moog kawm tsi tau Vaajlugkub rua huv cov tsev kawm Vaajlugkub nyob huv nroog, peb yuav coj tsev kawm Vaajlugkub moog rua puab peg puab lub zog.

Lub Homphaj kev kawm TEE

Lub homphaj ntawd kev cobqha thawjcoj nuav yog cobqha cov tub kawm kuas muaj 3 yaam nuav:

  • Qha kuas cov tub kawm paub Vaajtswv Txujlug Zoo.
  • Qha kuas cov tub kawm muaj lub neej hloov dlua tshab hab ua lawv le Vaajtswv txujlug qha.
  • Qha cov tub kawm kuas lub neej puv npo Vaaj Ntsujplig hab muaj Vaaj Ntsujplig lub fwjchim  Vaajtswv dlejnum hab muaj cuabkaav qhuabqha rua huv pawg ntseeg hab qha Vaajtswv txujlug rua lwm tug.
Ib yaam kws tseemceeb heev rua tug tub kawm yog ua lub neej puv npo Vaaj Ntsujplig.  Lub sijhawm kws nwg tso Vaajtswv tug Ntsujplig Dlawbhuv lug kaav taagnrho nwg lub sab lawm, Vaaj Ntsujplig yuav muab nwg lub neej hloov dlua tshab hab muab fwjchim rua nwg kuas nwg muaj peevxwm qha txujmoo zoo ru alwm tug hab ua Vaajtswv dlejnum

TEE qeb 1

Peb rhawv Qeb 1 lug cobqha thawjcoj ua dlejnum paab cov xwbfwb huv pawg ntseeg. Qeb nuav kawm cov phoo ntawv kws hu ua “Yexus Lub Neej.” Peb muaj 6 phoo ntawv:
  1. Yexus Lub Neej phoo 1
  2. Yexus Lub Neej phoo 2
  3. Yexus Lub Neej phoo 3
  4. Yexus Lub Neej phoo 4
  5. Yexus Lub Neej phoo 5
  6. Yexus Lub Neej phoo 6

Cobqha thawjcoj

Peb rhawv Kev Cobqha Thawjcoj lug rua cov kws xaav ua xwbfwb rua pawg Ntseeg. Peb muaj 6 chaav kawm.
  1. Sojntsuam Vaajlugkub Tshab
  2. Sojntsuam Vaajlugkub Qub
  3. Kev ua Xwbfwb rua Vaajtswv pawg ntseeg
  4. Kev cobqha thwjtim
  5. Kev qhuabqha
  6. Kev ntseeg ua ntu quas zug

**Peb tseem yuav rhawv kuas muaj ntau chaav kawm ntxiv.

Tswvyim txhawb

Yog huv chaav nuav:
  1. peb yuav tso ntau yaam ntaub ntawv muab tswvyim lug paab cov kawm kuas muaj tswvyim qha Vaajtswv txujlug.
  2. Peb yuav txhais tej nqai Vaajlugkub kws cov kawm tsi nkaag sab rua huv Video.
  3. Peb yuav muab lwm yaam video hab tswvyim rua huv chaav nuav hab.

Txuj kaabke kawm

Kawm le caag?

Feem ntau ntawd cov chaav kawm yuav kawm Online xwb. Tej chaav kawm peb yuav siv sijhawm 12 limtam. Ib limtam twg nwg yuav tau 2 nub hab ib nub twg nwg yuav siv sijhawm kawm le 2 teev rua 4 teev. Nyob ntawd tug kawm yuav kawm sai los qeeb xwb.

  1. Tug kawm yuav tau nyeem cov ntawv kws tug qha cob rua nwg nyeem. 
  2. Tug kawm yuav saib dlaim video kws tug xwbfwb qha kuas taag.
  3. Tug kawm yuav xeem (Teb cov lugnug ntawd cov ntawv nyeem hab cov video nwg saib).
  4. Tug kawm yuav tau ntsib tug qha 1 limtam twg ib zag, ib zag twg le 2 teev huv Online (Google meeting).  Peb maam le qha koj saib koj ntsib nwg le caag?

Leejtwg leeg paub hab muab ntawv povthawj kawm tav rua cov kawm?

Peb ua dlejnum nrug lub Koomhum kws koj zwm rua, nyob huv koj lub tebchaws. Lub Tsev Kawm Vaajlugkub kws zwm rua Koomhum leeg paub cov kws kawm taag. Tug kws kawm taag yuav tau txais dlaim ntawv povthawj ntawd lub Tsev Kawm Vaajlugkub. Lub koomhum maam le tso tso cai rua tug kawm ua xwbfwb rua pawg ntseeg hab yog muaj pawg ntseeg txais nwg ua xwbfwb lub Koomhum maam le xaa nwg moog ua xwbfwb.

Peb Lub Chaw Cobqha Thawjcoj  nuav tsi muaj cai tsaa cov kawm ua xwbfwb. Peb tsuas cobqha kuas cov kawm paub Vaajlugkub zoo hab muaj cuabkaav ua Vaajtswv dlejnum xwb.

Yog lub koomhum twg xaav nrug peb thaam hab xaav kuas peb cobqha nwg cov tuabneeg, peb yeej txaus sab yuav nrug cov thawjcoj sis thaam hab sis koomteg cobqha thawjcoj rua puab cov pawg ntseeg.

Scroll to Top